Masallıda 31 dekabr Dünya Azərbaycanlilarinin Həmrəyliyi Günü və Yeni il münasibəti ilə ümumrayon tədbiri

31 dekabr - Dünya Azərbaycanlılarının Həmrəyliyi Günü və Yeni il münasibəti ilə Masallı rayonunda bir sıra silsilə tədbirlər həyata keçirilir. Belə tədbirlərdən biri də 31 dekabr 2018-ci il tarixdə Masallı Rayon İcra Hakimiyyətinin binası önündəki meydanda keçirilmişdir.
Tədbir iştirakçıları əvvəlcə ulu öndər Heydər Əliyevin abidəsini ziyarət edərək abidə önünə təzə tər gül dəstələri düzmüşlər.
Tədbirdə Masallı Rayon İcra Hakimiyyətinin, hüquq-mühafizə orqanlarının məsul işçiləri, ictimaiyyət  nümayəndələri, rayon ağsaqqalları, ziyalıları, idarə müəssisə və təşkilat rəhbərləri, təhsil və səhiyyə işçiləri, tələbələr, məktəblilər və minlərlə rayon sakini iştirak etmişlər.
Meydana daxil olan Şaxta baba və Qar qız tədbir iştirakçılarını salamladı və bütün masallıları 31 dekabr - Dünya Azərbaycanlılarının Həmrəyliyi Günü və Yeni il  münasibətilə təbrik etmişlər.
Şənliyin aparıcı gəncləri 31 dekabr - Dünya Azərbaycanlılarının Həmrəyliyi Gününün təsisçisi və yaradıcısı Ulu öndər Heydər Əliyevin dünya Azərbaycanlılarına olan diqqətindən və bu həmrəyliyi günü-gündən möhkəmləndirən cənab Prezident İlham Əliyevin daxili və xarici siyasətinin səmərəli nəticəsini tədbir iştirakçılarının diqqətinə çatdırmış, ötən il ərzində rayonumuzun əldə etdiyi uğurlardan söz açmışlar.
Tədbir Masallı rayon Mədəniyyət və turizm şöbəsinin özfəaliyyət kollektivi və rayonun tanınmış musiqiçilərinin ifasında rəngarəng konsert proqramı ilə davam etmişdir.