Kəlbəcər rayonunun azad olunmasının 1-ci ildönümü
Masallı rayon Heydər Əliyev Mərkəzində Kəlbəcər rayonunun erməni işğalından azad olunmasının 1-ci ildönümünə həsr edilmiş tədbir keçirilib
Pandemiya şəraitində nəzərdə tutulan qaydalar üzrə keçirilən tədbirdə Masallı rayon Heydər Əliyev Mərkəzinin kollektivi iştirak edib.
Əvvəlcə Azərbaycanın müstəqilliyi və ərazi bütövlüyü uğrunda şəhid olanların xatirəsi bir dəqiqəlik sükutla yad edilib.
Mərkəzin 3D kinozalında “Virtual Qarabağ” platforması vasitəsi ilə Kəlbəcər rayonuna həsr edilmiş videoçarxın nümayişi tədbir iştirakçıları tərəfindən böyük maraqla qarşılanıb.
Daha sonra Masallı rayon Heydər Əliyev Mərkəzinin bələdçisi Şəfa Xəlilova çıxış edərək 44 günlük Vətən müharibəsində Ali Baş Komandan İlham Əliyevin rəhbərliyi ilə Azərbaycan ordusunun göstərdiyi qəhrəmanlıqlardan, qazanılan şanlı Zəfərdən danışıb.
