Palitra. Dünən Masallı şəhər 3 saylı orta məktəbdə “Əmək yarmarkası” təşkil olunub.

Bu barədə qəzetimizə rayon İcra Hakimiyyətindən məlumat verilib. Yarmarkada 314 nəfər iştirak edib. 

Masallı Rayon Məşğulluq Mərkəzinin direktoru Yusif Məmmədov tədbiri açaraq bu barədə ətraflı məlumat verib.

Əmək yarmarkasına 18 müəssisədən 177 boş iş yeri çıxarılıb. Yarmarkaya çıxarılan Mərkəzi xəstəxanadan – 84, Gigiyena və Epidemologiya Mərkəzindən – 14, Təhsil Şöbəsindən – 23, Masallı MİS-dən – 5, Masallı Meloservis idarəsindən – 2, “Fəxrəddin-K” MMC-dən – 15, “Viləş” K/T müəssisəsindən – 2, “Adil-Mübariz” TOM-dan – 3, “Naxış” firmasından – 1,“AQAS”  MMC-dən – 1, “Masal-46” MMC-dən – 4, Masallı Dezinfeksiya Stansiyasından – 3, “Nur-M” MMC-dən – 3, Masallı Dövlət Sığorta İdarəsindən 5, MKTİB-dən – 3, Mədəniyyət və Turizm Şöbəsindən – 3, Maye Qaz Doldurma Stansiyasından – 2, “Şəlalə” firmasından 4 boş yerlərinin 142-si dövlət, 35-i özəl sektordan olub. Orta aylıq əmək haqqı 85-250 manat təşkil edib. Əmək yarmarkasının işində Masallı Rayon İcra Hakimiyyəti Başçısının İctimai Təşkilatlar və Siyasi Partiyalarla İş şöbəsinin müdiri Seyfəddin Əliyev və ƏƏSM Nazirliyi yanında Dövlət Məşğulluq Xidmətinin nümayəndəsi Rəşad Əsgərli iştirak ediblər. Gün ərzində 30-dan çox işaxtarana təyinat verilib.

“PALİTRA” İLKİN