Azərbaycanın səfalı və füsunkar güşələrindən olan Masallı çox qədim tarixə malikdir.Aparılan arxeoloji, elmi tədqiqatlar və yazılı mənbələr göstərir ki, Masallı ərazisində qədim insanlar 15-20 min il bundan əvvəl yaşamışlar.

Bu diyar antik dövrdə Manna, Atropaten dövlətlərinə, sonralar Qafqaz Albaniyasının Kaspiana vilayətinə daxil olmuşdur.XVI-XVIII əsrin ortalarına qədər Masallının indiki ərazisi Səfəvilər dövlətinin tərkibində olmuşdur.XVIII əsrin ortalarında yaranan Talış xanlığı bu ərazini də əhatə etmişdir.XIX əsrin ortalarında Astara, Lənkəran, Lerik, Masallı, Yardımlı və Cəlilabad rayonlarının ərazisi Lənkəran qəzası adlanırdı. 
1930-cu ildə Masallı inzibati rayonu , Masallının adı respublika xəritəsinə rayon mərkəzi kimi daxil olmuşdur. Azərbaycan Respublikasının cənubunda yerləşən Masallı rayonunda 10-dan yuxarı müxtəlif xalqların nümayəndəsi yaşayır.


Rayon haqqında ümumi Məlumat:
Yarandığı tarix  - 08.08.1930
Ərazisi, min kv.km - 0,72
Əhalinin sayı, min nəfər (01.01.2011) - 202,470
1 kv km-ə düşən əhalinin sayı - 281
İnzibati ərazi vahidlərinin sayı - 36
Şəhərlər: 1
Qəsəbələr: 3
Kənd yaşayış məntəqələri - 106